Türkiyə çempionatında artıq sabah 26-cı tura start veriləcək.

"Football-plus.az" xəbər verir ki, turun açılış oyununda - Bakı vaxtı ilə saat 21.00-da başlayacaq qarşılaşmada lider “Qalatasaray” “Konyaspor”un qonağı olacaq. Son 14 turda xal itirməməklə Türkiyə futbolunda yeni rekord müəyyənləşdirən İstanbul nəhənginin zatən ölkəmizdə həmişə böyük azarkeş kütləsi olub. Son günlərdə “Qalatasaray”ın ölkəmizə gələcəyi xəbərinin yayılması ilə bu kluba maraq bir qədər də artıb. “Sarı-qırmızılar”ın “Konyaspor”a qarşı duelinə marağımızı artıran daha bir məqam yığma üzvü Mahir Emrelinin konyalıların şərəfini qorumasıdı.

“Ağ-yaşıllar” 24 oyuna topladıqları 31 xalla 8-ci pillədə qərarlaşıblar. Müqayisə üçün deyək ki, komanda ötən mövsüm 24 oyuna 48 xal toplamış və yalnız fenomenal nəticələr əldə edən “Trabzonspor”u özündən irəli buraxaraq 2-ci pillədə qərarlaşmışdılar. “Konyaspor”un son aylarda gerilədiyini görməmək mümkün deyil. Futbolda, adətən, məşqçi dəyişikliyi işə yarayır. Amma konyalılarda əksinə oldu. İlhan Palutun yerinə Aleksandar Stanoyeviç gətiriləndən sonra komanda qalib gəlmək bir yana, hətta qol vurmağı da unutdu. Mahir də daxil olmaqla digər yeni transferlər Potsuelo ilə Moreno 24-cü turda “Girəsunspor”a qarşı ev oyununda debüt etdilər və pis təsir bağışlamadılar. Hər halda, fanatlar sosial şəbəkələrdə onları təriflədilər. Amma həmin görüş, bilindiyi kimi, qolsuz yekunlaşdı. “Konyaspor” həmin gün Stanoyeviçin başçılığı altında ardıcıl 5-ci çempionat oyununda qol vura bilmədi və bu baxımdan serbiyalı mütəxəssis əcnəbilər arasında turnirin yeni antirekordçusu oldu. Ötən tur komanda bir qədər nəfəs dərdi. Çempionatdan çəkilən “Hatayspor”la oyuna görə “Konyaspor”a texniki qələbə verildi. İndi bütün diqqətlər “Qalatasaray”la oyuna yönəlib. “Ağ-yaşıllar” Stanoyeviçin dönəmində ilk qolu vurmağa, eləcə də ilk qələbəni qazanmağa çalışacaq. Türkiyə mətbuatının yazdığına inansaq, “Konyaspor” yenə uduzacağı təqdirdə məşqçi böyük ehtimalla istefaya göndəriləcək!

Bu arada dünənki məşqdən öncə Stanoyeviç və Mahir Emreli türkiyəli həmkarlarımıza açıqlamalar veriblər. Bizə, təbii ki, daha çox Mahirin sözləri maraqlıdı. 25 yaşlı vingerin “Qalatasaray”la oyunda start heyətində meydana çıxacağı gözlənilir. Onun Türkiyə karyerasında qol hesabını məhz bu cür güclü rəqiblə oyunda açması ideal olardı. Üstəlik “Cim-Bom”un tarixi qələbə seriyasına məhz Mahirin qolu ilə son qoyulsa, bu, bizim futbol üçün yaddaqalan hadisə olar. Mahir qarşıdakı oyun və Türkiyəyə uyğunlaşması ilə bağlı bunları deyib: