“Adi çempionat oyununda və dünya çempionatında vurulan penaltiləri müqayisə etmək düzgün deyil. Böyük turnirlərdə həyəcan və təzyiq fərqli olur. Yığmada da penaltiləri mən vururam. Xüsusi bir sirrim yoxdu. Sadəcə, zərbədən əvvəl çox rahat oluram və özümə güvənirəm. Təzyiqin öhdəsindən gələndə zərbəni vurmaq asan olur. Həm də son ana qədər qapıçını və onun hansı istiqamətdə atılacağını nəzarətdə saxlamağa çalışıram. Ən çox bəyəndiyim türkiyəli oyunçu Hakan Çalhanoğludu. “Hamburq”da keçirdiyi karyerasının ilk illərində bir-birimizə rəqib olmuşduq. O vaxtdan bəri çox inkişaf edib. Yığmada kapitan sarğısını taxandan sonra isə əsl lider kimi oynayır. Topdan qaçmır və daim məsuliyyəti üzərinə götürməyə çalışır. “Qalatasaray”ın ötən mövsüm transfer etdiyi həmyerlilərim Çikıldau ilə Morutsanın özünü göstərə bilməməsinin fərqli səbəbləri var. Onları özümlə müqayisə etmək istəməzdim. Mən uzun illər bundesliqa kimi bir turnirdə oynayıb təcrübə topladıqdan sonra bura gəlmişdim. Onlar isə Rumıniyadan birbaşa bura gəldilər. Üstəlik “Qalatasaray”ın ən şanssız dönəminə düşdülər. Komanda mövsümü faktiki aşağı pillələrdə keçirdi. Belə durumda ilk dəfə legioner həyatı yaşayan gənc oyunçular üçün təzyiqin öhdəsindən gəlmək çətin olur. Amma mənim gözümdə ikisi də çox istedadlıdı. İdealım Hacidi. Necə futbolçu olduğunu hər kəs bilir. Sol ayağı ilə inanılmaz şeylər edirdi. Onun dönəmində Rumıniya yığması tarixinin ən yaxşı nəticələrini əldə etdi. Hələ də eyni istək və həyəcanla futbolun içindədi. Akademiyasında bir çox oyunçu yetişib ki, bunlardan biri də Çikıldaudu. Haci Rumıniya futbolu üçün böyük işlər görüb. Sevgilimlə birlikdə Türkiyədə çox xoşbəxtəm. Almaniyadan fərqli burda ilin 8-9 ayında hava günəşli olur. Rahat, sakit və gözəl bir şəhərdə yaşayıram. Antepin restoranları və kafeləri çox gözəldi. Bir çox yerləri özümüz üçün kəşf etmişik. “Messi, yoxsa Ronaldo” sualına konkret cavab vermək çətindi. Messi anadangəlmə istedaddı. Ronaldo isə bu səviyyəyə çatmaq üçün 15-16 mövsüm yorulmadan çalışdı. Modriçin qəlbimdə xüsusi yeri var. Bu turnirdə ona azarkeşlik edirdim. Xorvatiyanın yenə bir xeyli irəliləyəcəyinə inanırdım”.