''Udineze''nin türkiyəli yarımmüdafiəçisi Tolqay Arslan oğruların qurbanı olub.

Football-plus.az xəbər verir ki, təcrübəli futbolçu bazar günü ''Udineze''nin ''İnter''ə qarşı keçirdiyi ev oyununda meydana çıxıb. Udinelilərin 3:1 hesabı ilə qalib gəldiyi görüşdü komandasının sonuncu qolunu məhz Tolqay vurub. Bu, onun mövsümdəki ilk qolu olub. Amma ''Beşiktaş'' və ''Fənərbaxça''nın sabiq üzvü qola doyunca sevinə bilməyib. 32 yaşlı futbolçu evinə qayıtdıqdan sonra şüşələrin sındığını görüb və evə oğruların girdiyini anlayaraq polis çağırıb.

İtaliya mətbuatının yazdığına inansaq, oğrular Tolqaya ümumilikdə 12 min avroluq ziyan vurublar. ''Udineze''də 3-cü mövsümünü keçirən Arslan indiyə qədər bu klubda 70 rəsmi oyunda 5 qol, 2 məhsuldar ötürmə ilə fərqlənib.