Luis Enrikedən etiraf: “Komandada bir dəyişiklik edərdim”
İspaniya yığması üçün başa çatmaqda olan mundial yaxşı keçmədi.
Football-plus.az xəbər verir ki, çoxları hələ də mübarizəni 1/8 finalda dayandıran “qırmızı qəzəb”in uğursuzluğu ilə bağlı mülahizə yürütməyə çalışır. Qətərdəki uğursuzluqdan sonra postundan qovulan baş məşqçi də müzakirələrdən kənarda qalmayıb. Luis Enrike strim kanallardan birində yığmadakı iş prosesində hansı məqamda səhvə yol verməsi ilə bağlı danışıb:
“Sizinlə səmimi olacam. Komandada bir dəyişiklik edərdim. Konkret ad çəkməyəcəm, amma heyətdən bir futbolçunu çıxarar, onu başqası ilə əvəzləyərdim. Şəxsi təsəvvürlərimə görə, bir futbolçu var ki, onu mütləq iştirak ərizəsinə salmalıydım. Daha bir futbolçu var ki, pis oynadığını deməzdim, amma ondan gözlədiyimi görmədim”.
Baş məşqçi həmçinin hədsiz az oynamaq imkanı qazanan futbolçunun adını çəkib:
“Düşünürəm ki, Pablo Sarabiya ona verdiyim 5 dəqiqədən artığını haqq edirdi. İndi mən ona start heyətində yer verərdim. Mən özünü danlayan adamlardan deyiləm, əlbəttə, belədə də uduzardıq, ancaq Sarabiya start heyətində yeri haqq edirdi, məhz bu ədalətli olardı”.
Necə düşünürsüz, Luis Enrike komanda ilə Qətərə getməli olduğunu dediyi futbolçu qismində kimi nəzərdə tutur? Görəsən, söhbət Serxio Ramosdan gedir, yoxsa Tyaqo Alkantaradan?
Digər xəbərlər
