"Biz gördüyümüz işdən tam əminik” - Luis Enrike
İspaniya millisinin baş məşqçisi Luis Enrike DÇ-2022-ni qrup mərhələsinin 2-ci turunda Almaniya ilə heç-heçə etdikləri matç (1:1) barədə danışıb.
"Football-plus.az" "Marca"ya istinadən xəbər verir ki, mütəxəssis deyib:“Matçı nəzərdən keçirəndə oyunumuzu indi hiss etdiyimdən daha çox bəyənəcəyəm. Əgər bizə DÇ-2022-nin iki turundan sonra qrupa rəhbərlik edəcəyimizi, hər şeyin bizdən asılı olacağını, pley-offa çıxmağımız üçün heç-heçənin belə kifayət edəcəyini desəydilər... İlk hissədə daha yaxşı çıxış edirdik, lakin matç boyu Almaniyaya daha çox çətinlik yaradacağımıza inamımız yox idi . Almanlar hazır vəziyyətdə idilər və biz oyuna nəzarət edə bilmirdik. Amma biz ambisiya nümayiş etdirdik. Komandanın matça münasibəti, qələbə ardınca getmək istəyi xoşuma gəldi. Son oyunda biz Yaponiyaya qalib gələrək qrupdan lider kimi çıxacağıq. Biz gördüyümüz işdən tam əminik”.
Qeyd edək ki, İspaniya hazırda E qrupunda 4 xalla 1-cidir. Yaponiya 3 xalla 2-ci. Kosta Rika eyni xalla 3-cü, cəmi 1 xalı olan Almaniya isə sonuncudu. İspaniya 3-cü turda dekabrın 1-i Yaponiya ilə qarşılaşacaq.
