"Nə qədər ki, "Səbail" Bayıldadı, biz də yanındayıq" – üsyan, yoxsa razılıq?
1-ci liqada mübarizə aparan "Səbail"in yeni prezidenti Mirzə Bayrampur oldu, baş məşqçi vəzifəsini isə Elnur Abdullayev yerinə yetirəcək.
"Səbail" azarkeşlərinin bu təyinatları necə qarşıladığını öyrənmək üçün "dənizçilər" fanklubunun rəhbəri Atif Rüstəmovla əlaqə saxladıq:
"Yeni rəhbərliyin gəlişi ilə maddi və mənəvi dəstəyin artması komanda üçün çox faydalıdı. Futbolun inkişafında maddi dəstək mühüm rol oynayır. Ötən il futbolçularımız sponsorsuz çox yaxşı mübarizə apardılar. Yeni rəhbərliyin gəlişi ilə hədəfimiz çempionuluqdu. 9 il "dənizçilər"in yanında olduğumuz kimi, yeni rəhbərliyə də tam dəstək göstərəcəyik".
Fanklub rəhbəri Mirzə Bayrampurun növbəti mövsüm klubun adının "Quba" olacağı və Quba şəhərini təmsil edəcəyi ilə bağlı fikrinə də münasibət bildirdi:
"Klubun gələcək planlarında nəyin yer aldığını bilmirəm. Nə qədər ki, "Səbail" Bayıldadı, biz də yanındayıq".
MURAD ABDULLAZADƏ
Digər xəbərlər
