“Mançester Yunayted”i növbəti mövsümdən çalışdırmaq imkanı olacaq məşqçilərin siyahısı hazırlanıb.

İngiltərə klubunu müvəqqəti çalışdıran Ralf Ranqnikin yerinə namizədlər müəyyənləşib. Rəhbərlik baş məşqçi vəzifəsində 4 mütəxəssisdən birini görmək istəyir. Namizədlərin siyahısına Tomas Tuxel (Çelsi), Xulen Lopeteqi (Sevilya), Erik ten Haq (Ayaks) və Luis Enrike (İspaniya yığması) daxil edilib.
Doğrudu, namizədlərdən biri ilə bağlı problem ortaya çıxa bilər. Çünki MY rəhbərliyi yeni məşqçinin yayda işə başlamasını vacib sayır. Luis Enrike isə İspaniya yığmasına bu ilin son aylarında keçiriləcək dünya çempionatında rəhbərlik etməlidi.