Bir neçə il öncə Xorvatiyada gözəllik müsabiqəsinin qalibi olmuş İvana Knoll Qətərdə keçirilən dünya çempionatında diqqətləri üzərinə cəlb etməkdə və müzakirə mövzusu olmaqdadı.

Football-plus.az xəbər verir ki, bu turnir ona böyük populyarlıq qazandırıb. DÇ-nin startından bəri 30 yaşlı supermodelin “instaqram”da izləyici sayı təxminən 1 milyona yaxın artıb. Knoll qrup mərhələsində Xorvatiyanın oyunları zamanı stadiona hədsiz dərəcədə açıq-saçıq geyimdə gəlməsi ilə diqqət mərkəzinə düşmüşdü. Geyimi Qətərin adət-ənənələrinə zidd olduğuna görə tənqid atəşinə tutulan Knoll geri adım atmamış və sonrakı oyunlarda da bu “ənənəni” daha kəskin şəkildə davam etdirmişdi. Xorvatiyanın son iki matçında isə Knoll tribunada sanki bir ulduz idi. Ərəb kişilərin onu gözləri ilə süzdüyü şəkillər sosial şəbəkələrdə çoxlu layk və şərh toplayır. Xorvatiya – Yaponiya oyununda isə hətta yerli ənənələrə uyğun formada geyinmiş kişilərin Knolla selfi çəkdirməsi diqqətdən qaçmadı. “Antireklam da bir reklamdı” prinsipini rəhbər tutan bu xanım özü də ərəb kişilərin ona baxdığı şəkilləri səhifələrində paylaşır. Görünən odu ki, Xorvatiya turnirdə mübarizəni davam etdirdiyi müddətdə İvana Knoll gündəmdən düşməyəcək. Bu arada qətərli biznesmen Məhəmməd Həssən Əl-Cəfairi qəribə fikir səsləndirərək öz həmyerlilərinə bəraət qazandırmağa çalışıb. Knollun yer aldığı şəkillərdə açıq-aydın görünür ki, qətərli və ərəb fanatlar kənardan onun şəkillərini böyük məmnuniyyətlə çəkərək gülərüz formada onunla selfi də çəkdirirlər. Amma Əl-Cəfairinin sözündən belə çıxır ki, sən demə, fanatlar bu xanımı bəyənmədikləri üçün bu addımı atırlar: