"Təbii ki, mən həmişə idmanı sevən bir insan olmuşam. Əsgərlikdən gələndən sonra elə “Futbol+” qəzetində karyerama başlamışam. Bundan sonrakı müstəqil fəaliyyətimin hamısı da idman sahəsinə aid oldu. İdmanın bütün sahələrinə marağım var. Ona görə böyük ehtimal bundan sonrakı həyatımı da bu istiqamətdə dəyərləndirərəm. Bu məsələdə mən kimisə günahkar görmürəm və ittiham etmirəm. 2 ildən sonra ədalətsiz qərar verildi. Bəlkə də normal şərtlər olsaydı, belə olmazdı. Amma buna görə heç kimi günahkar saymaram. Bu tipdə bir xasiyyətim də yoxdu. Fərid Haqverdiyev bu işdə mənə dəstək oldu. Nəinki təmənnasız, hətta bəzi məsələlərdə öz cibindən pul xərcləyib. Fərid ölkəsini sevən, mənim qazandığım dəyərli bir insandı. Fərid bu məsələyə bir azərbaycanlı kimi baxırdı. Lakin dünyada sözükeçən bir adamın olması yüksək ödəniş tələb edirdi. Hətta təkliflər də olmuşdu. Zəmanət də verirdilər ki, müsbət sonluq olacaq. Lakin mən bu məbləği ödəmək iqtidarında olmadığım üçün qəbul etmədim. Lakin bir yox, dünya səviyyəli bir neçə vəkillərlə birgə olsaydım, birmənalı şəkildə cəza bu olası deyildi. Bizə gələn qərardan isə belə görünür ki, isə ümumiyyətlə, işə baxılmayıb. Elə olduğu kimi də bağlayıblar".