Bilindiyi kimi ''Trabzonspor'' Avropa Liqasının qrup mərhələsinin 3-cü turunda səfərdə ''Monako''ya 1:3 hesabı ilə məğlub oldu.

Qaradənizlilərin bu məğlubiyyətində Maksi Qomesin də ''payı'' oldu. Uruqvaylı forvard artıq 11-ci dəqiqədə rəqibin üzünə ayaqla zərbə endirdiyi üçün meydandan qovuldu. Bu çətin səfər oyununda 80 dəqiqə azlıqda oynamaq məcburiyyətində qalan Trabzon təmsilçisi rəqibə müqavimət göstərə bilmədi. Türkiyə mətbuatının yazdığına inansaq, Qomes oyundan sonra paltardəyişmə otağında çox üzgün görünürdü. O, hərəkətinə görə komanda yoldaşlarından və məşqçilər korpusundan üzr istədi. Bu zaman hətta Qomesin gözləri də dolmuşdu. Rəqibi vurmaq istəmədiyini və bu hərəkəti bilərəkdən etmədiyini deyən 26 yaşlı forvarda komanda yoldaşları dəstək olmağa çalışdı. Sosial şəbəkədə də paylaşım edən Qomes bunları yazdı: