Son olaraq belçikalı ulduz Leandro Trossarı heyətinə qatan ''Beşiktaş'' ilin bəlkə də ən hay-küylü keçidinə imza atmağa hazırlaşır. İstanbul nəhəngi ''Liverpul''dan ayrılan və sərbəst statusda olan misirli ulduz Məhəmməd Salahla anlaşmaq üzrədi.

Bu transferlə bağlı iddialar əvvəlcə real görünməsə də, son günlərdə məsələ bir xeyli ciddiləşib. ''Foot Mercato''nun məlumatına görə Salahın təmsilçisi gizli şəkildə İstanbula gəlib və tərəflər arasında bütün prinsipial məsələlərdə anlaşma əldə olunub.

34 yaşlı futbolçu ilə ''1+1'' illik müqavilə imzalanacaq. Ünlü futbolçunun Türkiyədə illik maaşı 10 milyon avro təşkil edəcək. Bonuslar sayəsində isə o əlavə olaraq maksimum 2 milyon avro da qazana biləcək.

Hazırda imic haqları ilə bağlı danışıqlar gedir. Yaxşı şəkildə irəliləyən danışıqların gələn həftənin əvvəlində başa çatacağı və Salahın İstanbula gələcəyi gözlənilir. ''Beşiktaş''ın idarə heyətinin üzvü Ahmet Çağların Salah üçün hekayə bölümündə paylaşım etməsi fanatları bir qədər də həyacanlandırıb. Leandro Trossarın imza mərasiminə toplaşan 20 minə yaxın fanatın Salahın lehinə təzahüratlar səsləndirməsi diqqətdən qaçmamışdı. Salahın meneceri Remi Abbas ''yaxın vaxtlarda bütün suallara aydınlıq gələcək'' açıqlamasını veribsə, Türkiyə futbolunun əfsanəvi isimlərindən olan Rüştü Rəçbər ''etibarlı mənbədən aldığım məlumata görə Salahın transferi artıq tamamlanıb'' ifadəsini işlədib.

Tanınmış türkiyəli insayder Yağız Sabuncuoğlu da Salahın yeni mövsümdə ''Beşiktaş''da oynayacağını yazıb.

Futbol dünyasının yaxından tanıdığı ulduz futbolçu 9 mövsüm ərzində şərəfini qoruduğu ''Liverpul''da bir çox uğurlar qazanıb və 442 rəsmi oyunda 257 qol, 123 məhsuldar ötürməlik performans ilə adını klub tarixinə yazdırıb.