Bu mövsüm Çempionlar Liqasında mübarizəyə 2-ci təsnifat mərhələsindən başlayan ''Fənərbaxça'' iştirak ərizəsini UEFA-ya göndərib.

Maraqlıdı ki, yeni transferlərin heç biri iştirak ərizəsinə salınmayıb. Söhbət Vedat Muriqi, Natan Ake və Meyson Qrinvuddan gedir. Muriqi hazırlıq dönəminin əvvəlində zədə aldığı üçün tam hazır deyil. Qrinvud cəmi bir neçə gün öncə transfer edilib. Ake isə görünür, tətildən qayıtdıqdan sonra hələ tam olaraq formasını bərpa etməyib.

Bundan başqa dünya çempionatının gedişində Fransa yığmasının düşərgəsində zədə alan N'Qolo Kante də iştirak ərizəsinə salınmayıb. Əvəzində orda klubda qalıb-qalmayacağı hələ də bilinməyən qapıçı Edersonun adı var.

Bundan başqa icarədən qayıdan Oqnen Mimoviç, İrfan Can Kahveci, Cengiz Ündər kimi futbolçular da iştirak ərizəsinə salınıb. ''Fənər''in ilk oyunun başlamasından 24 saat öncəyə qədər ərizədə iki dəyişiklik etmək ixtiyarı var.

Xatırladaq ki, İstanbul nəhəngi bu mərhələdə Polşa təmsilçisi ''Qurnik Zabje'' ilə qarşılaşacaq. İlk oyun iyulun 21-də İstanbulda, cavab oyunu iyulun 29-da Polşada keçiriləcək.