Çempionlar Liqasında “Liverpul”a qarşı keçirilən son oyun Darvin Nunyes üçün əlamətdar olub.

“Benfika” onun qolu ilə 1/4 finalın cavab oyununda (3:3) məğlubiyyətdən qaça bilib. 82-ci dəqiqədə Alissonun qoruduğu qapıya yol tapan Nunyes bu mövsüm ÇL-dəki qollarının sayını 6-ya çatdırıb.

22 yaşlı uruqvaylı hücumçu bununla da “Benfika”nın yeni rekordçusu olub. Darvin turnirin 1998/99 mövsümündə 5 qol vuran Nunu Qomeşin göstəricisini arxada qoyub.