Konfrans Liqasının 2-ci təsnifat mərhələsi çərçivəsində keçiriləcək "Neftçi" - "Dinamo-Minsk" oyununa hakim təyinatları müəyyənləşib.

"Football-plus.az" xəbər verir ki, matçı Cənubi Kiprdən olan hakimlər briqadası idarə edəcək.

Baş hakim FIFA referisi Konstantinos Fellas olacaq. Ona yan xətt hakimləri kimi Marios Kaloqirou və Giorgios Çaralampous köməklik göstərəcəklər. Dördüncü hakim funksiyasını Konstantinos Neofytou yerinə yetirəcək.

İyulun 22-də "Palms Sports Arena"da oynanılacaq "Neftçi" - "Dinamo" matçı saat 20.00-da start götürəcək. Bu komandalar arasında cavab oyunu isə iyulun 30-da keçiriləcək.