"Neftçi"nin baş məşqçisi Yuri Vernidub komandanın bu gün baş tutan açıq məşqindən öncə jurnalistlərin suallarını cavablandırıb.

"Football-plus.az" ukraynalı mütəxəssisin fikirlərini diqqətinizə çatdırır.

- Sloveniyada toplanış yaxşı keçdi. İstədiyimiz yoldaşlıq görüşləri oldu. Rəqiblər pis komandalar deyildi. Daha çox qalib gəlmək istəyərdik. Amma toplanışın məqsədi yükləmələrdi. Bütün oyunçulara eyni səviyyədə yükləmələr verildi. Hər birinə oyun dəqiqələri verməyə çalışdıq. Çox sevinirəm və toplanışdan məmnun qaldım. Daha önəmlisi odu ki, toplanışı zədəsiz başa vurduq. Hər şey istədiyimiz kimi davam edir. Dörd yeni oyunçumuz var. Komandanı gücləndirmək yönündə işlər davam edir. Bilirik ki, hansı mövqelərdə oyunçulara ehtiyac var. İstədiyimiz oyunçular üzərində işlər gedir. Bu yöndə səhvə yol vermək istəmirik. Komanda daha da güclənəcək. Bunu əminliklə deyə bilərəm. Hazırda komandanın sütunu var. Yeni cəlb edilmiş 4 oyunçu bizi kifayət qədər gücləndirir.

- Komandanı ötən mövsüm Avropaya apardız. Gələn il klubun 90 illiyidi. Azarkeşlərin gözləntisi böyükdü. Onlara nə söz verə bilərsiz?
- Söz vermək bir şeydi, ona əməl etmək başqa. Əminliklə deyə bilərəm, hamımız çalışırıq ki, birlikdə liqa mərhələsinə gedək. Bu, heç də asan olmayacaq. Bu oyunlardan, həm də püşkatmada düşəcək rəqibdən asılıdı. Qarşıda bizi "Dinamo-Minsk" ilə oyun gözləyir. Öncə onları keçməliyik. Sonra digər rəqib haqda düşünə bilərik.

- Rəqib necə komandadı?
- Çempion komandadı, hazırda da turnir cədvəlində liderdi. Onlarda hazırda çempionat davam edir. Düşünmürəm ki, çətin olacaq. Buna hazırıq.

- Hansı mövqelərə oyunçu axtarırsız?
- Hücum xəttinə futbolçu axtarırıq. Hər şey yaxşı olsa, "8 nömrə" mövqeyinə oyunçu baxırıq.

- Azərbaycanlı oyunçulara baxırsız?
- Bizdə akademiyadan əsas komandaya cəlb olunan oyunçular var. Onların üzərində işləyəcəyik. Yerli bazardan Rüfət Abbasovu heyətə cəlb etmişik.

- Freddi Varqasla bağlı son durum necədi?
- Bir az səbr edək. İş gedir. Hər şey konkretləşsə, rəsmi məlumat verəcəyik.