“Sabah”, “Qarabağ” və “Zirə” ilk təsnifat mərhələsini hərəyə iki qələbə qazanmaqla adladı. Gələn həftə “Neftçi” də onlara qoşulacaq. Azərbaycanlı azarkeşlər indi də dörddədördün planlarını cızır? Bəs bu hədəfə çatmaq nə dərəcədə realdı? Təbii ki, hədəfə aparan yol rəqiblərin gücündən keçir.

Artıq bazar ertəsi – iyulun 20-də 3-cü mərhələnin püşkü atılacaq. Əvvəlcə çempion “Sabah”ı gözləyən rəqiblərin siyahısına baxaq. “Sabah” KuPS səddini aşarsa, “səpələnməmişlər” sırasında yer alacaq. “Bayquşlar”ın ÇL-in 3-cü təsnifat mərhələsindəki mümkün rəqiblərinin siyahısı:

Srvena Zvezda (Serbiya) – Larn (Ş.İrlandiya) cütünün qalibi;

Tyun (İsveçrə) – Dinamo Z (Xorvatiya) cütünün qalibi;

İberiya 1999 (Gürcüstan) – Slovan (Slovakiya) cütünün qalibi;

Orxus (Danimarka) – Lex (Polşa) cütünün qalibi;

Selye (Sloveniya) – Eqnatiya (Albaniya) cütünün qalibi;

Omoniya (C.Kipr) – Kayrat (Qazaxıstan) cütünün qalibi.

Göründüyü kimi, “Sabah” bu komandalardan hər birini keçməyə və pley-offa adlamağa qadirdi.

Bəs “Qarabağ”ın vəziyyəti necədi? Ağdam klubunun reytinqini nəzərə alsaq, ən azı “Sabah” qədər yaxşı. “Qarabağ” Avropa Liqasının 2-ci mərhələsində ÇSKA səddini arxada qoysa, 3-cü mərhələnin püşatmasında “səpələnmişlər” sırasında yer alacaq və bu komandalardan biri ilə qarşılaşacaq:

Yagelloniya (Polşa);

Makkabi (T-Ə, İsrail) – Şerif (Moldova) cütünün qalibi;

Hammarbü (İsveç) – Anderlext (Belçika) cütünün qalibi;

Pafos (C.Kipr) – Hayduk (Xorvatiya) cütünün qalibi;

Tromse (Norveç) – Hradets Kralove (Çexiya) cütünün qalibi;

ÇL-in Şturm (Avstriya) – Harts (Şotlandiya) cütünün məğlubu;

ÇL-in Fənərbaxça (Türkiyə) – Qurnik (Polşa) cütünün məğlubu.

Kofrans Liqasının 3-cü təsnifat mərhələsində “Zirə” ilə “Neftçi” oynaya bilər. Təbii ki, “qartallar” “Payde”, “ağ-qaralar” “Dinamo-Minsk” səddini keçərsə. Azərbaycan klubları KL-in 3-cü mərhələsində bu cütlərdən birinin qalibi ilə qarşılaşa bilər:

Braqa (Portuqaliya) – Jelezniçar (Serbiya);

Ayaks (Niderland) – Voyvodina (Serbiya);

Kopenhagen (Danimarka) – Polesye (Ukrayna);

Gent (Belçika) – LNZ (Ukrayna);

Rapid (Avstriya) – Santa Koloma (Andorra);

Panatinaikos (Yunanıstan) – Pakş (Macarıstan);

Ludoqorets (Bolqarıstan) – Hapoel (T-Ə, İsrail);

FKSB (Rumıniya) – Auda (Latviya);

Rakuv (Polşa) – Valletta (Malta);

Partizan (Serbiya) – UNA Ştrassen (Lüksemburq);

Luqano (İsveçrə) – Dukacini (Kosovo);

AEK (C.Kipr) – Beytər (İsrail);

İstanbul BŞ – İnter (Finlandiya);

Riyeka (Xorvatoya) – Derri Siti (İrlandiya);

HİK (Finlandiya) – Kolreyn (Ş.İrlandiya);

Zrinski (Bosniya və H.) – Valyur (İslandiya);

RFŞ (Latviya) – Vestri (İslandiya);

Brann (Norveç) – Universitatya (Kluj, Rumıniya);

Jalgiris (Litva) – Dinamo (Gürcüstan);

Şkendiya (Ş.Makedoniya) – Bravo (Sloveniya);

Həmçinin Avropa Liqasının 2-ci mərhələsində 4 cütün məğlubları:

Makkabi (T-Ə, İsrail) – Şerif (Moldova);

PAOK (Yunanıstan) – Dinamo (Ukrayna);

Midtüllann (Danimarka) – Beşiktaş (Türkiyə);

Ferentsvaroş (Macarıstan) – Tvente (Niderland).