Zaqreb “Dinamo”su Xorvatiya çempionatında 9-cu qələbəsini qazandı.

“Qarabağ” Azərbaycan premyer-liqasında necə rəqib tanımırsa, “Dinamo” da ölkəsində eyni taleyi yaşayır. Ante Çaçiçin çalışdırığı komanda daxili çempionatda keçirdiyi 10 görüşün yalnız birində xal itirib. Qalan görüşlər “Dinamo”nun qələbəsi ilə yekunlaşıb. Xorvatiyanın digər təmsilçilərinin avrokuboklardakı nəticələrinə baxanda burda təəccüblü heç nəyin olmadığını görürük. Hamımız yaxşı bilirik ki, “Dinamo” avrokubokların qrup mərhələsinin daimi iştirakçısıdı. Zaqreb komandası vaxtaşırı Çempionlar Liqasının qrupun görünür, Avropa Liqasının qrupunda da çıxış etməyə macal tapıb. Xorvatiyanın qalan klubları isə oxşar uğurla öyünə bilməzlər. Bu məqam onu deməyə əsas verir ki, “Dinamo” ilə Xorvatiya çempionatının qalan 9 iştirakçısı arasında böyük səviyyə fərqi, əməlli-başlı uçurum var.

Amma bu dağlar qədər fərq belə “Dinamo”nun səviyyəsini şübhə altına salmağa əsas vermir. Düzdü, yerli çempionatda qələbələr sıralanır və “Dinamo” özünə rəqib tanımır. Zaqreb komandasının rəqiblərinin yeganə təsəllisi o ola bilər ki, onlar ölkə futbolunun flaqmanının qapısına yol tapa bilirlər. Yəni Çaçiçın çalışdırdığı komanda aşağı-yuxarı bütün görüşlərdə qapısından top buraxır. Lakin özü ondan çox qol vurur. Bu da komandanın hücum xəttinin güclü olduğunu düşünməyə əsas verir. Az əvvəl qeyd etdiyim kimi, “Dinamo”nun yerli çempionatdakı rəqibləri zəif görünsə də, bu məqam Xorvatiyanın dəyişməz çempionunun gücünü azaltmaq üçün əsas deyil. Çünki komandanın nəticələri avrokuboklarda da ürəkaçandı. “Dinamo” bu mövsüm xüsusilə də Çempionlar Liqasında əla çıxış edir. Turnirin qrup mərhələsinə qədər büdrəməyən Zaqreb təmsilçisi ilk görüşdə “Çelsi”ni məğlub etməyi bacarıb. Düzdü, “Milan”la görüşdən xalsız ayrıldı. Amma “San Siro”dakı oyunda komandalar arasında hədsiz səviyyə fərqi hiss olunmurdu.

Sözümün canı “Dinamo”nun gücünü şişirtmək, zaqrebliləri tərifləmək deyil. Klub ötən mövsümün sonlarından azərbaycanlı azarkeşlərin diqqət mərkəzindədi, bizim üçün doğma sayılır. Çünki millinin futbolçusu, son illərdə futbol məktəbimizin yetişdirdiyi ən istedadlı hücumçu Mahir Emreli bu klubun formasını geyir. Bu cümlədən sonra bir az duruxuram, özümə sual verirəm: Mahir “Dinamo”nun formasını geyməyə macal tapırmı? Çox təəssüf ki, acı statistika bu suala “bəli” cavabı verməyə imkan vermir. Rəqəmlərin üzərində çox da dayanmaq istəmirəm. Məsələn, “Lokomotiva” ilə son qarşılaşmada Mahir “Dinamo”nun baş məşqçisinin yadına yalnız 90-cı dəqiqədə düşdü. Çempionlar Liqasında, ümumiyyətlə, xidmətinə ehtiyac duyulmur. Artıq bir gerçəyi özümüz üçün dəqiqləşdirmişik ki, Emreli “Dinamo”nun məşqçilər korpusu üçün əsas heyət üzvü sayılmır. Bu məsələdə bir az tərəddüd etmək o zaman mümkün olardı ki, Çempionlar Liqası bir kənara, yerli çempionatın bəzi qarşılaşmalarında meydana ilk dəqiqələrdən çıxardı.

Adətən, çalışdırıcılar avrokubok oyunlarından sonra heyətdə rotasiya edir, əsas heyət üzvü sayılmayanlara yerli çempionatda özünü göstərmək şansı yaradır. Özü də “Dinamo” yerli çempionatda rəqiblərini xeyli qabaqlayır. Belə olan halda daxili çempionatı önəmsəməmək, bəzi qarşılaşmalarda risk etmək də mümkündü. Amma Ante Çaçiç heç də bu fikirdə deyil. Yaxud da onun Mahirə etimadı o qədər azdı ki, azərbaycanlı hücumçunu ciddi əhəmiyyət daşımayan görüşlərdə belə “döyüşə atmır”. Səbəblər fərqli ola bilər. Ya çalışdırıcı Mahirin məşqlərdəki performansını bəyənmir, başqalarını ondan çox üstün sayır, ya da qəsdən belə edir. İstəyir ki, yaranmış etimadsızlıq mühiti Mahiri bezdirsin, futbolçu özü “Dinamo”dan üz çevirib getsin. Hər halda, biz Zaqrebdən çox uzaqdayıq, orda nəyin baş verdiyini bilmirik.

Ya vəlvələdən, ya zəlzələdən, bizim, daha doğrusu, Azərbaycan millisi üçün Mahirin oynaması vacibdi. Səbəbi bir kənara qoyum, nəticə odu ki, forvard oynamır, “Dinamo”nun ehtiyat oyunçular skamyasının daimi sakinidi. Bu yaşda orda oturmaq çox da vacib deyil. Onun dəyəri, potensialı, futbolçu kimi istedadı daha artığına imkan verir. Lap elə səviyyəcə “Dinamo”dan bir qədər aşağı kluba da getmək olar. Yetər ki, topu və meydanı yadırğamasın. Hansısa yolla bunu reallaşdırmaq, futbol oynamaq lazımdı. Çox çətindi, bilirəm. Amma qərar vermək vaxtıdı!

AMAL


Son xəbərlər

"İmişli"dən ikinci qol - YENİLƏNİR

Azərbaycan çempionatına yekun vuruldu

Azərbaycanlı vəkil Qətərdə gördüklərindən heyrətə gəlib

Qətərdə 1 bakal pivə neçəyədi?

Rafinya Roy Kinin cavabını verdi

Çempion fərqi artırdı - TURUN ŞƏRHİ

İngiltərə dünya çempionu olsa...

Nazirin nöqteyi-nəzəri

Region Liqasında 3 klub məğlubiyyətsiz oyunlar seriyasını davam etdirir

Addo Qana yığmasından ayrıldı

Oveçkin 1300-ə, Keyn 1200-ə çatdı, “Boston” isə...

Türkiyədə keçirilən turnirdə maraqlı nəticələr qeydə alınır

Yığmanın Avropa çempionatındakı oyunlarının vaxtı bəlli oldu

Prosineçki Azərbaycana qayıdır: Bu dəfə klubda çalışacaq - İDDİA

Roy Kin Braziliyanı tənqid etdi: "Belə olmaz"

Pol Corcun 7 oyunluq hısrəti bitdi

Son 1/4 finalçılar bəlli olur - YENİLƏNİR

Nazir idmançılarla görüşdü

"Sabah"ın futbolçusu karyerasını Türkiyədə davam etdirəcək? - Meneceri açıqladı

Alisson üçün ilk

Xorvatiyanın qeyri-adi seriyası davam edir

"O, sualı verdiyim anda üzümə zərbə endirdi" - Sebalyosla Kamran arasında niyə dava düşüb?

Azərbaycan çempionatının qarışıq komanda yarışlarına yekun vuruldu

Xorvatiya 1/4 finala belə yüksəldi - VİDEO

"Ştutqart"da yeni baş məşqçi

"Neftçi-2"dən minimalhesablı qələbə - VİDEO

DÇ-2022-də ilk

Perişiç 2-ci pilləyə yüksəldi

Lökbatanda 3 qol - VİDEO

FİFA Serbiyaya qarşı iş açıb

"Qarabağ"la oyunda son illərin ən zəif və aciz "Neftçi"sini izlədik"

"Araz Naxçıvan"dan səfər qələbəsi - VİDEO

İspaniya millisində ayrılıq

"Advokat" beynəlxalq turnirdə iştirak edəcək

Portuqaliyalılar Ronaldonu istəmirlər

Mahmud Qurbanovdan odlu-alovlu açıqlamalar: "Bizim komandanı "sındırırlar"

"Zaqatala" son dəqiqə qolu ilə büdrədi - VİDEO

Yuri Tielemans İspaniya nəhənginin hədəfində

"Azərreyl" oyunları ölkə xaricində keçirəcək

"Real"ın sabiq yarımmüdafiəçisi ilə Azərbaycan klubu maraqlanır

İspaniya mətbuatı Ronaldonun yeni klubun adını açıqladı

Lebron Ceymsdən Devisə tərif

Bütün xəbərlər