Qurban Qurbanov...

Qeyd-şərtsiz Azərbaycan futbolunun ən böyük dühalarından biri, bu ölkəni dünyada ən yaxşı səviyyədə tanıdan, ən yaxşı sözləri haqq edən, eyni zamanda təvazökarlığından zərrəcə çəkilməyən, gördüyü ən böyük işləri də vətənə borc kimi qəbul edən və anlayan adam kimi adam...

Açığı, sosial şəbəkələrdə, mediada onun haqda yazılan komplimentləri, səslənən difirambları oxumaq adama dəhşətli dərəcədə xoş gəlir. İlk növbədə ona görə ki, Qurban bəyin məşqçi və insan kimi formalaşması prosesi məhz bizim nəslin gözü önündə keçib, təfəkkür və düşüncə etibarı ilə dəyişmə mərhələlərini addım-addım izləmişik. Amma bundan da önəmli səbəb odu ki, Qurbanov başdan-ayağa müstəqil Azərbaycan futbolunun yetirməsidi. Bəli-bəli, SSRİ vətəndaşı kimi dünyaya gəlib, ancaq futboldakı bütün uğurları müstəqil Azərbaycanın adı ilə bağlıdı. O, rusiyalı həmkarımıza “ad-soyadımı Qurban Qurbanov kimi yazın” deyəndə də milli kadr idi, Qarabağ müharibəsindəki qələbədən sonra komandasını istisnasız hücum futbolu oynamağa məcbur edəndə də millidən də millidi. Bu mənada srağagün – o möhtəşəm və parlaq qələbədən sonra Qurbanovu müstəqillik dönəminin 10 ən böyük azərbaycanlısı adlandıran adamlarla da razıyam, ona heykəl qoyulmasını təklif edənlərlə də!

Qurban bəyin düşüncəsində dəyişiklik olduğunu şəxsən mən “Marsel”lə oyunların gedişində hiss etdim. Açıq-aşkar görünürdü ki, müharibədəki qələbə onun baxışlarını dəyişib, rəqibin ad-sanına baxmadan xoşbəxtliyi hücumda axtarır. Tezliklə özü də bu məqamı etiraf etdi, “mən artıq məğlub yox, qalib xalqın nümayəndəsiyəm” dedi və o yolla da yürüdü. Bu il isə artıq ötənilkindən də inamlı görünür.

Qurbanov təkcə oyunun məzmununa yox, ətrafda yaşananlara münasibətdə də dəyişib. Əvvəllər “Qarabağ” PFL-ə müraciətlə oyunlarının təxirə salınmasını istəyirdisə, indi əksi baş verir, futbol qurumları ona belə təklif ünvanlayır, baş məşqçi isə yaxın buraxmır. Əslində elə belə də olmalıdı, illərdi biz məhz buna çalışır, ölkədaxili yarışların təqvimini ayrı-ayrı komandaların maraqlarına görə “bazara çevirməməyə” çağırırdıq. Qurbanov sağ olsun, enində-sonunda bu həqiqəti qəbul etdi. “Ferentsvaroş” “Qarabağ” önünə təzə-tər çıxmaq üçün “Zalaeqerseq”lə çempionat oyununun təxirə salınmasına nail oldu. Amma nə qazandı? Heç nə - 3 qol buraxdılar, gücümüzü qəbul etdilər, yolumuzdan çəkildilər.

Fikrimcə, bu, Azərbaycan klub futbolunun ən parlaq qələbələrindən biri, bəlkə də birincisidi. Rəqibi öz evində, 19 min azarkeşin gözü önündə bütün komponentlərdə döymək, kötəkləmək, üstünlüyünə zərrəcə şübhə yeri qoymamaq çox nadir hallarda üzləşdiyimiz mənzərədi. Və mən onu da gizlətmirəm ki, ilk oyundakı 1:1-dən sonra “Qarabağ”ın pley-off perspektivi ilə bağlı nikbin düşünmürdüm. Kim nə deyir-desin, Çerçesov maraqlı komanda formalaşdırıb. “Ferentsvaroş” mənə zaman-zaman Rusiya yığmasının daha mükəmməl formasını xatırladırdı. Zahirən “ağır” oyunçulardan qurulan, amma istənilən vaxt “artırmağı”, meydana ağırlığını qoymağı bacaran komanda idi Macarıstan çempionu. Bu başqa məsələ ki, “Qarabağ” inanılmaz, komandalarımız üçün xarakterik olmayan pressinqlə rəqibi oyunboyu “boğdu”, nəfəs almağa qoymadı.

Qurbanov təkcə yaş yox, futbola baxış etibarı ilə də böyüyür, köməkçiləri ilə birgə indi rəqibləri daha yaxşı təhlil edir, əlinin altında müxtəlif oyun modelləri var və oyunun axarına uyğun dəyişiklik etməyi bacarır. Qurbanovun “Qarabağ”ı oyunboyu adamı həyəcanlandırır, bəzən öldürür-öldürür və dirildir, amma bütün hallarda bu komandanın oyununu izləmək hər kəsə zövq verir, ən azı ayın müəyyən günlərində özünü gerçək avropalı, Avropa futbolunun təmsilçisi kimi hiss edirsən. Bəzən tarixi paralellər aparmağa, Azərbaycan futbolunun hansı azarkeş nəslinin indiki qədər həyəcanla futbol izlədiyini müəyyənləşdirməyə çalışıram. Uzaqbaşı 1966-cı ili, “Neftçi”nin SSRİ çempionatının “bürünc”ünü qazandığı dönəmi xatırlamaq olar. Təbii ki, mən o dövrdə həyatda deyildim, eşitdiklərimə və oxuduqlarıma əsasən bu qənaətə gəlirəm.

Qurbanov Avropanın üç möhkəm ortababının çempionunun dizini yerə gətirdi. Təbii ki, növbə “Viktoriya”nındı. Hansısa qeyri-adi hadisə baş verməsə, Azərbaycan çempionu 5 illik fasilədən sonra növbəti dəfə ÇL-in qrupunda görünəcək. ÇL isə zirvədi. Azərbaycana da, Qurbanova da zirvə çox yaraşır! Biz artıq o himni eşitməyə hazırıq. Çox-çox ümid edirəm ki, bu il gözümüz yolda qalmayacaq!

HUŞƏNG

Son xəbərlər

Çağlar Söyüncü hansı kluba keçəcək?

Son çempiondan darmadağın - YENİLƏNİB

Sənan Qurbanov: "Olduqca yanlış, qərəzli yanaşmadı”

Muslera ''Qalatasaray''da tarix yazmaqda davam edir

Yunis Hüseynov AFFA İcraiyyə Komitəsinin üzvü ilə razılaşmadı – AÇIQLAMA

“Borussiya” oyunçusuna qiymət qoydu

"Qarabağ"ın təsisçisinin dəyişməsi ilə bağlı yekun qərar

TFF qərarını dəyişdi

Dünya çempionatında iştirak edə bilməyəcək

“Valensiya”da yeni futbolçu

Benzema mükafat bolluğuna düşdü

Fiqu göyün 7-ci qatında futbol oynadı!

Vaqif Sadıqov: “Bəlkə De Byazi burda qalmaq istəmir, hardan bilirsiz?” - AÇIQLAMA

Fanatlar Türkiyə millisinin başında kimi görmək istəyir? - SORĞU

“Çelsi”nin oyunçusu məşqlərə başladı

Sabiq “Qalatasaray”lı BƏƏ-də oynayacaq

Mançester derbisini buraxacaqlar

FİFA təhqiqat aparır

“Fənərbaxça” daha bir oyunçu ilə yollarını ayırdı

Peşəkar boks = real ölüm ehtimalı

Karyeralarını başa vurdular

Premyer-liqada 2 milyard 526 milyon avroluq qazanc - SİYAHI

Dünya çempionatı üçün 208 milyard avroluq xərc

“Yığmanın “sükanı arxasında” yerli, gənc mütəxəssislər olmalıdı” - Aslan Kərimov

Skaloni ilə müqavilə yeniləndi

Superliqanın səviyyəsi Allini təəccübləndirib - AÇIQLAMA

"Qarabağ"la oyundan öncə "Olimpiakos"da daha bir ciddi itki

Kolumbiya da dünya çempionatında təmsil olunmaq istəyir

Qutyerresin hərəkətinin sirri 12 ildən sonra açıldı

Maqnussenə ən sürətli dövrə yox, xal lazımdı - MÜSAHİBƏ

Tolqay Arslan derbidə kimi favorit görür?

İFA-dan Ronaldoya gecikmiş ittiham

Emin Ağayev: “Tibbi komissiyadan keçirdilər, paltar və ayaqqabı ölçülərimi götürdülər” - MÜSAHİBƏ

Zubir: "Fransa klubuna qol vurmaq özəldi" - VİDEO

Simeoneyə etimad tükənməyib

"Hərbçilər" gəncəliləri məğlub etdi - VİDEO

22-ci "Səbail" - "Qəbələ" duelinə doğru

Mövsümün sonunda “İnter”dən gedəcək

Tahir Süleymanov almanları hakimlərimizə nümunə göstərdi

Türkiyə Avropada gənclərə ən az şans verən ölkədi!

Laviolett Oveçkini təriflədi

Misirdə Olimpiada keçiriləcək?

Doğma klubunun idman direktoru olacaq

"Yığmada baş məşqçi əcnəbi olacaqsa, mütləq iki yerli onun köməkçisi olmalıdı" - Ağasəlim Mircavadov

Di Mariya ilə bağlı qərar verildi

Bütün xəbərlər