Moldovaya səfər “Mançester Yunayted”ə baha başa gəlib.

Football-plus.az xəbər verir ki, İngiltərə klubnun oyunçuları bu ölkədən qida zəhərlənməsi ilə qayıdıblar.

“The Sun” qəzetinin yaydığı xəbərə görə, sentyabrın 15-də mançesterlilər Avropa Liqasının qrup mərhələsində “Şerif”i 2:0 hesabı ilə məğlub etdikləri matçdan dərhal sonra şəxsi təyyarə ilə İngiltərəyə qayıdıblar. Ertəsi gün 12 futbolçu özünü pis hiss edib. Bir neçə oyunçu cümə məşqini buraxıb, bəziləri şənbə günü məşqə başlayıb, bəziləri isə həmin gün məşq edə bilməyiblər. Klub zəhərlənməyə nəyin səbəb olduğunu araşdırır.