Bu yay Avropaya yollanan çoxsaylı türkiyəli oyunçulardan biri olan Əmirhan İlkhan ''Torino''da oyunu ilə diqqəti çəkməyi bacarıb.

Daha öncə 1-ci turda ''Montsa'' ilə səfər qarşılaşmasının son saniyələrində meydana çıxmaqla A seriyasında debüt edən 18 yaşlı yarımmüdafiəçi ötən həftəsonu ''Leççe'' ilə ev oyununda (1:0) ilk dəfə start heyətində göründü. Əmirhan bununla da bu mövsüm A seriyasında start heyətində meydana çıxan ən gənc (18 yaş 96 gün) futbolçu oldu! İstedadlı futbolçu 64 dəqiqə meydanda qaldı. Bu müddətdə 42 dəfə topa toxundu və 1 dəfə top itkisinə yol verdi. Ötürmələrinin 81 faizi dəqiq alındı. Turinlilərin prezidenti, baş məşqçisi, eləcə də İtaliya mətbuatı türkiyəlinin oyunundan razı qalıb. Prezident Urbano Kayronu dinləyək:

Baş məşqçi Matteo Paronun sözləri isə belə olub:

Elə İtaliya mətbuatı da gənc futbolçunun bu dərəcədə inamlı oyununun, meydanda özünü rahat hiss etməsinin sürpriz olduğunu vurğulayıb. Xatırladaq ki, ''Torino'' bu yay Əmirhanı 4,5 milyon avroya transfer edib. Gənc istedad ''ağ-qaralar''la müqavilə müddətini yenicə 2025-ə qədər uzatmışdı. Amma sonradan məlum oldu ki, Əmirhanın müqaviləsində onun sərbəst qalmaq maddəsində cəmi 4,5 milyon avro qeyd olunub. ''Torino''nun düşünmədən bu məbləği ödəməsi ilə İlkhanın ''Beşiktaş'' karyerası erkən bitdi. Ümumiyyətlə, İstanbul nəhəngi bu yay birdən-birə üç yetirməsini Avropaya göndərdi. Əmirhandan başqa Rıdvan Yılmaz ''Reyncers''ə, Sərdar Saatçı ''Braqa''ya transfer olundu, ''Beşiktaş'' bu 3 satışdan ümumilikdə 12 milyon avro qazanacaq.