Konfrans Liqasının 2-ci təsnifat mərhələsində keçiriləcək "Aris" (Limassol) "Neftçi" oyunundan öncə təşkil olunan mətbuat konfransında jurnalistlərin suallarını cavablandırdı.
"Football-plus.az" xəbər verir ki, o, əvvəlcə sabahkı matç barədə fikirlərini bildirib:
- Hazırlıqdan sonra ilk rəsmi matçımızdı. Düşünürəm ki, sabah yaxşı oyun keçirəcəyik. Qalib gələcəyimizə inanıram.
- Son yoxlama matçında Mamadu Mbodj sağ cinahda oynayırdı. Sabah da o, eyni mövqedə çıxış edəcək?
- Sabahkı oyun üçün heyəti sizə deyə bilmərəm. Toplanışda çox şeyi yoxlamışıq. Çalışırıq ki, ən yaxşı “11-liy”i seçək. Elə oynamalıyıq ki, rəqib bizə qarşı çətinlik çəksin. Söhbət təkcə müdafiə xəttindən getmir, bütün komanda oynamalıdı. Komanda şəklində müdafiə olunmalıyıq.
- Kipr klublarına qarşı Azərbaycan təmsilçiləri yaxşı nəticə göstərib. Bu statistika “Neftçi” üçün yük, yoxsa motivasiya olacaq?
- Keçmişdə nə baş veribsə, önəmli deyil, sabah nə olacağı daha vacibdi. “Aris”in yaxşı heyəti, məşqçisi var. Aqressiv futbol oynayırlar. “Aris”ə qarşı asan oyun olmayacaq. Oyunçularım rəqibin yaxşı tərəflərini bilirlər. Sabah onlar pressinq etmək üçün fiziki cəhətdən hazırdırlar. Azarkeş amili də onlara kömək edəcək. Öz komandama inanıram.
- UEFA səfər qolunu ləğv edib. Hansı nəticə sizə sabah sərf edəcək?
- Nəticə haqqında danışmağın önəmli olduğunu düşünmürəm. İstənilən pozitiv hesab bizi qane edəcək. Çünki evdə onlarla oyunumuz var.
- Qısa müddətdə burdasız. İstədiklərinizin nə qədərini həyata keçirmisiz?
- Mənim futbolçulara mesajım bəllidi. Məşqçilər heyəti ilə birlikdə çalışırıq. Bilirsiz ki, müddət az idi. Eyni anda da fiziki cəhətdən onlarla işləmək lazım idi. Bəzi futbolçular bizə gec qoşuldu. Bir az vaxta ehtiyacımız var.
- Bura gələrkən azarkeşlərin ən çox sevindiyi şey “Styaua” ilə avrokuboklarda uğurlu olmanız idi. Bu sizə məsuliyyət yükləmir?
- Bu vacib amildi, çünki beynəlxalq oyunlarda təcrübəm var. Bildiklərimi futbolçularıma çatdırım. Amma meydançada oynayan onlardı, məsuliyyəti üzərlərinə götürməlidilər. Çox vacibdi ki, biz komanda şəklində birlikdə oynayaq.
- Rəqibin pressinq edəcəyini bildirdiniz. Əks-hücuma bel bağlayacaqsız, yoxsa “Bakcell Arena”dakı kimi hiss etdirəcəksiniz?
- Yaxşı sualdı və hər şeyi doğru vurğuladınız. Matçın hər anına uyğun taktika seçmək lazımdı. Hər matçın dinamikası seçilən taktikanı dəyişə bilər. Biz bir komanda şəklində çıxış etməliyik.
- “Qazientep”lə matçdan sonra bildirmişdiniz ki, son nöqtəni qoya bilmirik. Bu müddət ərzində problemi aradan qaldırmısız? Sezar Meza Kollinin olmaması bunda rol oynayır?
- Mən sırf həmin matça görə o fikri bildirmişdim. Bilirsiz ki, toplanışın son günləri konsentrasiya əvvəlki kimi olmur. Amma bütün çatışmazlıqlar üzərində işləmişik. Futbolçulara topu necə cərimə meydançasına gətirməsini izah etmişik. Bundan sonrası isə futbolçuların keyfiyyətinə qalıb.