Axmetov Ukraynada futbolun bərpası üçün vəsait ayıracaq
Ukrayna çempionatının avqustda bərpası planlaşdırılıb.
Rusiyanın hərbi təcavüzü səbəbi ilə son mövsüm fevralda dayandırılmış və sona çatdırılmamışdı.
“Şaxtyor”un sahibi Rinat Axmetov premyer-liqanın növbəti mövsümünün təşkili üçün 1,9 milyon avro vəsait ayıracaq. Bu barədə Donetsk klubunun yaydığı məlumatda belə bildilib:
“Ukraynanın indiki ağır durumunda bir-birimizə inanmalı və kömək etməliyik. “Şaxtyor” Ukrayna Futbol Federasiyasının və klubların yeni mövsümdən premyer-liqanı bərpa etmək niyyətini alqışlayır. Ölkədəki çətin iqtisadi durumla əlaqədar hamı çempionata lazımınca hazırlaşa bilmir. Bunu nəzərə alan klubun prezidenti Rinat Axmetov premyer-liqa, birinci və ikinci liqa klublarına, həmçinin uşaq futbolu layihələrinə 1,9 milyon avro vəsait ayırmaqla dəstək verəcək”.
Digər xəbərlər
