Mirça Luçesku bir neçə gün əvvəl Rusiya ilə müharibə səbəbindən Ukraynanı tərk edib.

Amma onun qayğıları yalnız şəxsi təhlükəsizliyi ilə bitməyib.

Kiyev “Dinamo”sunun baş məşqçisinin Ukrayna banklarında 5 milyon dollardan çox pulu qalıb. Bəzi mənbələrin yaydığı məlumata görə, bu pullar Rusiyanın Ukraynaya hərbi müdaxiləsi səbəbindən faktiki olaraq bloklanıb. Məsələ burasındadı ki, Ukrayna hökuməti ölkədən müəyyən məbləğdə vəsaitin çıxarılmasına məhdudiyyət qoyub (qüvvədə olan yeni qərara əsasən, bir ildə cəmi 500 min dollar çıxarmaq mümkündü). Rumıniyalı mütəxəssis hazırda Buxarestdədi. Luçeskunun 2014-cü ildə Rusiyanın Ukraynaya qarşı hibrid müharibəsindən sonra 20 milyon avroya qədər pul itirdiyi də iddia edilir. “Dinamo”nun prezidenti İqor Surkis bir müddət əvvəl bu məsələni yoluna qoyacağını vəd etmişdi. Lakin Rusiyanın fevralın 24-dən başlanan hərbi təcavüzü bu planı həyata keçirməyə mane olub.