''Bu qələbəyə bəlkə də ən az təəccüblənən şəxs mənəm. Çünki paltardəyişmə otağında Avstraliya ruhunun nə demək olduğunu bilirəm. Türkiyə üzərində zəfər qətiyyən təsadüfi deyil. Tam layiqli qələbə qazandılar. Konkret bir planla oyuna çıxdılar və sona qədər də oyun intizamından qopmadılar. Qapıçı Patrik Biç mundialda ilk oyununu keçirməsinə baxmayaraq çox inamlı təsir bağışladı. Bu performans növbəti oyunlar üçün onun özünəinamını bir qədər də artıracaq. Toni Popoviçin heyət və taktika baxımından doğru seçimləri də futbolçuları ruhlandırdı. Popoviçin ən bəyəndiyim özəlliyi isə heç çəkinmədən gənc oyunçulara güvənməsidi. Gənclərə çox rahat şəkildə özlərini göstərmək fürsəti verir''. Avstraliya futbolunun əfsanələrindən olan və bir dönəm ''Qalatasaray''da da çıxış edən Harri Kyuell isə bunları deyib: ''Futbolda insanlar çox danışmağa başladıqda onları susdurmağın ən yaxşı yolu bunu meydanda göstərməkdi. Bu gecə Avstraliya bir çoxlarını susdurdu''.