''Fiziki və taktiki cəhətdən çox yaxşı çalışırıq. Oyunçular qənaətbəxş durumdadı. Düzdü 7 aydı rəsmi oyun keçirməmişik. Amma ''Fənərbaxça'' ilə görüşə yaxşı formada çıxacağımızı düşünürəm. Həm də bu müddətdə yığma üzvləri dəfələrlə rəsmi oyun keçiriblər. ''Fənərbaxça'' yaxşı təşkilatlanmış və fərdi cəhətdən güclü futbolçulara malik komandadı. Jorje Jezuşu və onun oyun fəlsəfəsini də gözəl tanıyırıq. Çünki onun komandaları ilə əvvəllər bir neçə dəfə qarşılaşmışıq. Amma bu dueldə məncə ''Dinamo'' hələ də güclü olan və favorit sayılan tərəfdi. Polşada fanatların stadionu dolduracağına inanırıq. İndidən onlara təşəkkür edirik. Düzdü, hazırlıq oyunu rəsmi oyunun yerini vermir. Amma yenə də mümkün qədər çox oyun keçirməyə çalışırıq. ''Fənərbaxça'' ilə oyuna qədər ''Lütsern'', ''Lion'' və ''Antverpen''lə yoxlama oyunu keçirəcəyik. Ümid edirəm ki, rəqiblər bu oyunlarda var gücləri ilə oynayacaqlar. Çünki bu, bizim ''Fənərbaxça'' ilə oyuna daha hazır vəziyyətdə çıxmağımıza yardım edəcək".