''Əslində taktiki cəhətdən oyun gözlədiyimiz kimi keçdi. Avstraliyanın geriyə çəkiləcəyini bilirdik. Əks-hücumlardan yaxşı yararlandılar. İki qol buraxdıq, üzgünük. Komanda ruhunu meydanda göstərdik. Ürəklə oynadıq. Belə davam etsək, istədiyimiz nəticələr gələcək. Növbəti oyunda daha yaxşı çıxış etməyə çalışacağıq. Tempimizdə davamlılıq yox idi. Belə olduqda tam performans sərgiləmək çətindi. Hər cür vasitələrdən istifadə etdik. Amma qol vura bilmədik. Bir qol vursaq, hər şey fərqli ola bilərdi. Qapıya 30 zərbə endirdik. Şans yanında deyilsə, qol vura bilməyəcəksən. Bəzi anlarda qola çox yaxınlaşsaq da, müdafiələrini yara bilmədik. Çox ucaboy oyunçuları var. Belə rəqibə qarşı oynamaq asan deyil. Avstraliyanı təbrik edirəm. Çox yaxşı oynadılar. Biz isə yolumuza davam edirik. Hələ şansımız var. Uduzmusansa, tənqidləri qəbul etməlisən. Hətta ədalətli olmayan tənqidi də... Kərəm Aktürkoğlu sona qədər əlindən gələni etdi. Can Uzun əsasən hücumçuların arxasında oynayır. O mövqedə sona qədər də Arda Gülərə güvəndik. Solda da Kənan Yıldız oynayır. Cana yer tapa bilmədik. Növbəti oyunlarda onu da dəyərləndirəcəyik. Qol vura bilmədik deyə bir andaca hər kəsi tənqid etmək düzgün deyil''.