Klopp dünya çempionatındakı bu yeniliyə görə FİFA-nı yıxıb-sürüdü
ABŞ, Meksika və Kanadanın ev sahibliyində dünya çempionatı davam edir.
Bu mundialda tətbiq edilən yeniliklər heç də hər kəsin ürəyincə deyil. Məsələn, Yürgen Klopp su fasilələri üzündən FİFA-nı yıxıb-sürüyüb.
Bilindiyi kimi hər hissənin düz ortasında futbolçuların su içə bilməsi üçün 3 dəqiqəlik fasilə elan olunur. Oyunları yayınlayan kanalların əksəriyyəti bu fasilədən istifadə edərək reklam verirlər. Ünlü almaniyalı mütəxəssisin fikrincə, bu fasilənin əsas məqsədi yayın zamanı reklamlar üçün yer açmaqdı:
''Su fasiləsinin əsas məqsədi heç də oyunçuları qorumaq deyil. Bu sadəcə bəhanədi. Əsil məqsəd sponsorlar üçün fürsət yaratmaqdı. Dünya çempionatı kimi bir turnir əslində kimə xidmət edir? Fanatlara, oyunçulara, yoxsa reklam firmalarına? Təəssüf ki, futbol öz kondensionerli ofislərində rahat oturub hər şeyi idarə etməyə çalışanlar tərəfindən əsir götürülüb! Reklam fasiləsi oyunun təbiiliyini itirir. Futbol bir çay və ya şəlalə kimi axıb getməlidi. Amma bunun əvəzinə araya reklam sala bilmək üçün fürsət axtarırıq''.
Digər xəbərlər
