“Zirə” də Sumqayıta sığınacaq?
“Turan Tovuz”un Konfrans Liqasında iştirakına qadağa qoyulandan sonra avrokubok ümidləri yenidən dirçələn “Zirə” stadion problemi ilə də üzləşəcək.
Ötən mövsüm avrokubok oyunlarını “Liv Bona Dea”da keçirməli olan “qartallar” bu il nə edəcək? “Zirə” hər nə qədər gizlin saxlasa da, artıq “Sumqayıt”a stadionla bağlı mürəciət edib. Bununla bağlı hər iki klubun mətbuat katibi ilə əlaqə saxladıq.
Elmar Abdullazadə (Zirə):
“Konfrans Liqası ilə bağlı bütün məsələlər rəsmiləşəndən sonra məlumat verə biləcəyik. Ondan sonra bu mövzü ilə bağlı danışmaq olar”.
Zaur Axundov (Sumqayıt):
“Xəbəri mən də gördüm. Amma sözün açığı, “Zirən”in avrokuboka gedəcəyi bəlli deyil deyə, bu barədə bizə rəsmi müraciət olmayıb. Dəqiqləşərsə, açıqlama verərik. Ola bilsin, rəhbərlik səviyyəsində şifahi müzakirə olub, ondan xəbərim yoxdu”.
Xatırladaq ki, UEFA iyunun 2-də “Turan Tovuz”un Konfrans Liqasında iştirakına qadağa qoyub.
İSRAYIL XEYRULLAYEV
Digər xəbərlər
