Robben Rotterdam marafonunda qaçdı
Niderland yığmasının sabiq yarımmüdafiəçisi Aryen Robben Rotterdamda marafon qaçışında iştirak edib.
38 yaşlı sabiq futbolçu 42,195 kilometrlik məsafəni 3 saat 13 dəqiqə 57 saniyəyə qət edib. O, marafonun liderinə 69 dəqiqə uduzub. Məsafəni niderlandlı sabiq konkisürən Erben Vennemars ilə birlikdə qət edən Robben jurnalistlərə qısaca belə açıqlama verib:
“Bəziləri mənim dəli olduğumu deyirlər. Amma mən, sadəcə, idmanın fanatıyam”.
O, futbolçu karyerası ərzində “Qroningen”, PSV, “Çelsi”, “Real” və “Bavariya”da oynayıb. Futbolçu həyatını 2021-ci ildə doğma klubu “Qroningen”də başa vuran Aryen Niderland yığmasında 96 oyuna 37 qol vurub.
Digər xəbərlər
