Qola sevinərkən əlinə xəsarət yetirdi
Frenk Lempard bir andaca ikili hisslər keçirib.
“Everton”un baş məşqçisi premyer-liqanın “Nyukasl”la keçirilən oyununda əlinə xəsarət yetirib. O, bu haqda “Sky Sports”a açıqlamasında danışıb. İngilis mütəxəssis hadisəninin komandasının son dəqiqədə vurduğu qələbə qolundan sonra baş verdiyini bildirib:
“Bilmirəm, qolu qeyd edərkən oldu. Deyəsən, nəyəsə toxundum. İki dəqiqədən sonra anladım ki, əlim titrəyir və bir az da ağrıyır. Amma üç xal qazanandan sonra buna razıyam. Mövsümün sonuna qədər daha neçə sınığa hazıram? Bəlkə də hər oyunda birinə...”
Xatırladaq ki, “Everton” 20-ci turdan təxirə salınan matçda Aleks İvobinin 90+9-cu dəqiqədə vurduğu qolla qələbə qazanıb (1:0). Komanda Allanın qırmızı vərəqə almasına görə meydanda 83-cü dəqiqən sonra 10 nəfərlə mübarizə aparıb.
Digər xəbərlər
