Frenk Lempard dilinin bəlasına düşüb.

İngiltərə Futbol Assosiasiyası “Everton”un baş məşqçisini 30 min funt sterlinq (təxminən 35 min avro) məbləğində cərimələyib. Buna onun premyer-liqanın 34-cü turunun “Liverpul”la matçında (0:2) hakim Stüart Atvelli tənqid etməsi səbəb olub. Xatırladaq ki, Lempard oyundan sonra “Liverpul”un qapısına təyin olunmayan penaltiyə görə narazılığını bildirmişdi. O, qayda pozuntusu rəqibin hücumçusu Məhəmməd Salaha qarşı olsaydı, “Everton”un əleyhinə penalti veriləcəyini demişdi.