Ziddiyət dolu məşqçi: Rəşad Sadıqov - 5 günə fikir dəyişdi!
“Zirə”nin baş məşqçisi Rəşad Sadıqov 5 gün ərzində iki ziddiyyətli fikirlə yadda qalıb. Belə ki, o, rəhbərliyin avrokubok hədəfləri ilə bağlı ayrı-ayrı fikir bildirib.
14 mart. “Qarabağ”la oyunsonrası mətbuat konfransı:
“Rəhbərlik qarşımızda avrokubok hədəfi qoymamışdı. Mən özüm üçün, futbolçular avrokuboka düşmək istəyirik. İnanıram ki, mövsümün sonunda məşqçilərin, futbolçuların qarşısına qoyduğu hədəfə çatarıq. Əlimizdən gələni edəcəyik”.
19 mart. “Karvan-Yevlax”la oyunsonrası mətbuat konfransı:
“Avrokuboka düşməsək, mən, futbolçular, rəhbərlik düşünəcəyik ki, qarşımıza qoyduğumuz hədəfə çata bilmədik”.
Rəşad Sadıqovun iki ardıcıl mətbuat konfransında rəhbərliyin komandanın avrokubok hədəfi ilə bağlı bildirdiyi fikirlər təzadlıdı. “Zirə” rəhbərliyi Rəşad Sadıqovun qarşısına avrokubok hədəfi qoyub, ya yox? Bilmədik… Deyəsən, Sadıqov özü də bilmir…
MÜZƏFFƏR QULUZADƏ
Digər xəbərlər
