“Zirə” Misli premyer-liqasının 36-cı turunda “Araz-Naxçıvan”a qalib gəldi – 1:0.

“Football-plus.az” qonaqların baş məşqçisi Rəşad Sadıqovun oyunsonrası mətbuat konfransından hesabatı təqdim edir.

- Komandalar bu oyuna qədər qarşısına qoyduğu məqsədə çatmışdı. Hər iki komandaya avrokuboklarda uğurlar arzulayıram. Mövsümü eyni səviyyədə keçirdik. Oyun da maraqlı keçdi. Tərəflər istəkli idi. Futbolçular formadan düşməsin deyə əsas heyətlə oynadıq.

- Minifutbol Federasiyasının prezidenti Orxan Məmmədovun maşınını gördüm. Gəlişinin səbəbi nə idi?
- Futbolsevər adamdı. Futbolçulara təşəkkür etməyə gəlmişdi. Klub prezidentimizin futbola belə bağlı olması sevindirici haldı.

- Kubok oyunlarında “Araz-Naxçıvan”a məğlubiyyət bu oyuna köklənməyə səbəb yaratdı?
- Xeyr, hazırlıq üçün futbolçularımın oynaması vacib idi.

MÜZƏFFƏR QULUZADƏ