“Neftçi”nin cari vəziyyətdəki çıxış yolları komandadaxili ab-havanın düzəlməsi, menecmentin peşəkar münasibəti, qərarların düzgün yerinə yetirilməsi, oyunçuların vahid bir hədəf üçün mübarizə aparmasını təmin etmək, bu yolda axsayanlara ultimatum verməkdi. İlk növbədə menecment, idarəedici fərdlər özlərinin gördüyü işə inanmalıdı və maksimum peşəkarlıq göstərməlidi. Əks halda klubdan getmələri hər tur yaxınlaşır. Klubun üst rəhbərliyi və Müşahidə Şurası ilə mövsümöncəsi görüşümüz olub, mövcüd vəziyyətdə bağlı mövqeyimizi, bizi narahat edən məsələləri çatdırdıq. Əlbəttə, “Neftçi”nin avrokuboklardan kənar qalması daha real görünür. Hətta komandanın bu vəziyyətdə qalacağı təqdirdə heç avrokuboklara vəsiqə əldə etməsinin də bir mənası olmayacaq. Biz ilk növbədə komanda normal futbol oynamasını istəyirik, sonra qələbələr qazanıb xal qazanmasını gözləyirik. Əsas hədəf mövcud vəziyyətdən tez bir zamanda qurtulmaqdı”.