“Vaşinqton”un baş məşqçisi Spenser Karberi yeni müqavilə üzrə MHL-də ən yüksək ödənişli məşqçilər səviyyəsində pul qazanacaq.

Bununla bağlı xəbəri insayder Elliott Fridman yayıb. Onun yazdığına inansaq, 44 yaşlı mütəxəssisin müqavilə müddətinin sonuna hələ bir il qalırdı, ancaq “Kepitalz” müqaviləni ləğv edib ki, yenisi dərhal qüvvəyə minsin. “Vaşinqton” Karberi ilə yeni müqavilə imzaladığını iyunun 18-də elan edib.

Fridman bildirir ki, indi yalnız Con Kuper (Tampa-Bey), Mayk Sallivan (Reyncers), Piter Debur (Aylenders) və Rik Tokket (Filadelfiya) Karberidən daha çox qazanır. O, paytaxt klubunun “sükanı arxasına” 2023-cü ildə keçib. Komanda Karberinin rəhbərliyi altında keçirdiyi üç mövsümdə 134 qələbə qazanıb, 83 oyunda məğlub olub. “Vaşinqton” son mövsümdə pley-offa çıxa bilməyib.