“Sabah”da klub rəhbərliyi futbolu bilən adamlardı, amma...” – Yaşar Sultanov
Avrokuboklara üç vəsiqə uğrunda dörd komandanın - “Zirə”, “Sabah”, “Sumqayıt” və “Neftçi”nin mübarizə apardığı bəllidi.
Heç kim sonuncu turda nələrin baş verəyini deyə bilməz. Gözlər isə “Neftçi” - “Sabah” oyununa yönəlib. Bu komandalardan birinin avrokuboklardan kənar qalması çox realdı. Görəsən, “Sabah”ın, yoxsa “Neftçi”nin bəxti gətirəcək?
Mövzu ilə bağlı AFFA İcraiyyə Komitəsinin sabiq üzvü Yaşar Sultanovun fikirlərini öyrəndik. O, “Neftçi”ni daha uğurlu gördüyünü dedi:
“Neftçi" oyun dəsti-xəttinə, məşqçi amilinə görə bir qədər şanslı görünür. Yəni hiss olunur ki, komandaya yüksəliş ruhu qayıdıb. Sanki o, daha çevik, peşəkar görünür. "Sabah"da da məşqçi heyəti peşəkar kadrlardan ibarətdi. Klub rəhbərliyi futbolu bilən adamlardı. Amma komandanın ehtiyat oyunçular skamyası məhduddu. Bu gün ötən illə müqayisədə usta oyunçu ehtiyatı nisbətən aşağı düşüb. Qısa zaman ərzində, yəni fasilədə heyəti gücləndirə bilsələr, daha da uğurlu olacaqlar”.
RÖYANƏ OĞUZ
