“Müqavilə məsələlərinə belə baxmaq lazım deyil. Ən azı mənim düşüncəm belədi. Bir məşqçini Konfrans Liqasında mərhələ keçib-keçməməyə görə işə götürmürlər. Və ya müqavilə müddətinin uzadılıb-uzadılmaması buna görə olmamaladı. Klub hansısa məşqçi ilə anlaşırsa, uzunmüddətli plan qurur. Digər tərəfdən, sabah “Neftçi” həmin turnirdə güclü rəqibə uduza bilər. Bu məşqçinin zəif və ya güclü olduğunu göstərə biləcək amil deyil. Biz hazırda klub olaraq bir çoxlarından zəifik. Ən azı “Neftçi” olaraq. Bu baxımdan Konfrans Liqası ölçü vahidi deyil. Vernidubun planından və proqramından xəbərim yoxdu. Yəqin ki, uzunmüddətli strategiya müəyyən edilib. Heyətə yeni oyunçuların cəlb edilməsi, ən azı qarşıdakı bir 1 il ərzindəki məqsədlər müzakirə olunub. Yeni anlaşma olubsa, mənə elə gəlir ki, bu, Konfrans Liqası yox, ölkə çempionatı ilə bağlıdı. Hər halda, “Neftçi” kimi komandaya 1-ci yer üçün oynamağa məcburdu. Yuri Vernidubun gələn mövsüm hədəfi bu olmalıdı. Məncə, “Neftçi” rəhbərliyi tələsməyib”.