“Sumqayıtda yeni akademiya açdıq. Özüm də məşqlərdə iştirak edəcəm. Seçimlər 5-dən 14 yaşa qədər uşaqları əhatə edəcək. Fərdi hazırlığı özüm keçəcəm. Məqsəd təkcə uşaq yetiştirmək deyil. Futbolçunun gələcəyinin olması, milli komandada iştirakı prioritet təşkil edəcək. İstedadlı oyunçuları İstanbula göndərə bilərik. Bu yöndə danışıqlar gedir. Yaxın müddətdə özüm ora yollanacam. PSJ-nin akademiyası ilə də danışıqlar aparacam. Hədəfimiz də məhz vunderkindlərin Avropaya yollanması ilə bağlıdı. Sumqayıtda yaşayan futbolsevərlər uşaqlarını bizim yanımıza göndərə bilər. Onların yolunu gözləyirik. Övladlarının uğurlu gələcəyini, futbolçu kimi inkişafını istəyən valideynlər müraciət edə bilər. Akademiyada həqiqətən buna qadir məşqçi heyəti var. Şəhid övladları, nəvələri üçün məşqlər ödənişsizdi. Hər ehtiyacları mənim tərəfimdən qarşılanacaq. Çalışacağıq ki, Azərbaycan futboluna töfhə verək. Həftədə bir dəfə ingilis dili dərsləri olacaq. Bu yöndə addımlar atacağıq ki, uşağların gələcəyi daha uğurlu olsun”.