''Bursaspor'' ''Fənərbaxça''nın sabiq üzvünü transfer etdi

Bu yay həmyerlimiz Toral Bayramovu heyətinə qatması ilə diqqət çəkən və qarşısına superliqaya yüksəlmək hədəfi qoyan Türkiyənin 1-ci liqa təmsilçisi ''Bursaspor'' heyətini gücləndirməkdə davam edir. ''Timsahlar'' ''Fənərbaxça''nın sabiq üzvü Linkoln Enrikenin keçidini tamamlayıblar. Bursa klubu Portuqaliya təmsilçisi ''Alverka''ya 2 milyon avro ödəməklə bu futbolçunun haqlarının 70 faizinə sahib çıxıb. Türkiyə mətbuatının yazdığına inansaq, tərəflər arasında ''2+1'' illik müqavilə imzalanacaq. 27 yaşlı solaxay futbolçu Türkiyədə ilk dəfə ''Çaykur Rizəspor''da forma geyib. O, 2022-25-ci ''Fənərbaxça''ya məxsus olsa da, yalnız ilk mövsümü İstanbul nəhəngində keçirib. Sonrakı illərdə ''Braqantino'' və ''Hall Siti''də oynayıb. Ötən mövsüm şərəfini qoruduğu Portuqaliyanın elita təmsilçisi ''Alverka''da 32 rəsmi oyuna çıxaraq aktivinə 2 qol, 6 məhsuldar ötürmə yazıb.