Dünya çempionatında daha bir yenilik gündəmə gəlib. FİFA mundialda pley-off mərhələsinə təsir edəcək yeni qayda dəyişikliyi üzərində işləyir.

“The Times” nəşrinin məlumatına görə, təşkilat penalti seriyası ilə bağlı sistemə yenilik etməyə hazırlaşır. Məqsəd qərarvermə prosesində daha ədalətli balans yaratmaqdı. Yeni qaydaya əsasən, komandalar püşkdən sonra ya ilk zərbəni vurma, ya da penalti seriyasını azarkeşləri önündə yerinə yetirmək hüququndan birini seçə biləcəklər. Digər üstünlük isə rəqib komandaya veriləcək.

FİFA rəhbərliyi bu dəyişikliklə bir komandanın eyni anda iki üstünlük qazanmasının qarşısını almağı düşünür. Məlumatda artıq məsələ ilə bağlı danışıqların aparıldığı bildirilir.

Qərarın ilk 1/16 final oyunundan əvvəl təsdiqlənə biləcəyi qeyd olunur.