“Komandalar arasında səviyyə fərqi aşkar görünürdü” - Vitali Borisov
“Qol epizodlarımız çox olsa da, hamısını reallaşdıra bilmədik. Komanda tapşırıqların hardasa 70 faizini yerinə yetirə bildi. Çətinlik çəkməyimizin səbəbi parketlə bağlı ola bilər. Çünki biz sürətli oyuna üstünlük veririk. Bu örtükdə isə top demək olar, zəif sürətlə hərəkət edir. Bu hər iki komandaya çətinlik yaradan amil idi".
“Football-plus.az” xəbər verir ki, futzal üzrə “Araz-Naxçıvan”nin baş məşqçisi Vitali Borisov Çempionlar Liqasının ilkin mərhələsi çərçivəsində Şimali İrlandiyanın “Sparta Belfast” klubuna 7:1 hesabı ilə qalib gəldikləri oyundan sonra deyib. O, ikinci hissədə daha çox epizod realizə etməyi bacardıqlarını bildirib:
"Hesab daha fərqli ola bilərdi. Komandalar arasında səviyyə fərqi aşkar görünürdü. Əlbəttə, təvazökarlıqdan uzaq olsa da, deməliyəm ki, “Araz-Naxçıvan” daha güclü, baxımlı oyun nümayiş etdirdi.
Mütəxəssisin sözlərinə görə, bu qələbə hələ heç nəyi həll etmir:
"Daha 2 vacib oyunumuz var. Artıq onlar haqda düşünməliyik".
Digər xəbərlər
