Eriksen Ukrayna yığması ilə keçirilən yoldaşlıq oyununda huşunu itirdi. Futbolçu sonradan özünə gələ və ayağa qalxa bildi, ancaq təşkilatçılar oyunu davam etdirmədi.

Arzuolunmaz insident Odensedə keçirilən oyunun 65-ci dəqiqədə, hesab 2:1 meydan sahiblərinin xeyrinə olarkən baş verdi. 34 yaşlı xavbek qəfil sinəsini tutdu və qazona yıxıldı. Dərhal həkimlər ora qaçdı. Hamı Erikseni dövrəyə aldı, kameralar ümumi plan çəkməyə başladı. 75-ci dəqiqədə Kristian tribunaların alqışları altında qalxdı və meydandan getdi: onu dəsmalla örtdülər. Ardından baş hakim Siqurd Krinqstad oyunu vaxtından əvvəl bitirdi.

Bildiyiniz kimi, əvvəllər Eriksen artıq bir dəfə belə hal yaşayıb: AÇ-2020-də - Finlandiya ilə oyunda ürəktutması üzündən huşunu itirib. Həmin vaxt futbolçu bir neçə dəqiqə klinik ölüm vəziyyətində olmuşdu. Xoşbəxtlikdən onu xəstəxanaya çatdırmaq mümkün oldu. Kristianı həyatda saxlamaq üçün onun orqanizminə ürək ritmini tənzimləyən qurğu – kardioverter-defibrillyator yerləşdilər.

Mili komandanın həkimi Morten Boesenin dediyinə görə, indi Eriksen özünü yaxşı hiss edir.

Mütəxəssislər onun özündən getməsinin səbəbini aydınlaşdırmağa çalışırlar. Danimarka Futbol İttifaqı Boesenin aşağıdakı açıqlamasını yayıb:

Belə düşünmək olardı ki, AÇ-2020-də ürəyinin dayanması futbolçunun karyerasını bitirməsinə gətirib çıxaracaq: “İnter” A seriyasında mövcud olan qaydalara (bu liqada defibrillyatorla oynamaq qadağandı) görə onunla müqavləni pozdu, hər şey idmandan məcburi getməyə işarə idi. Ancaq Eriksen bərpa olundu və böyük futbola qayıtdı.
O əvvəlcə “Brentford”da oynadı, ardından “Mançester Yunayted”dən təklif aldı. Elə həmin il yarımmüdafiəçinin Qətərdə keçirilən dünya çempionatı üçün milli komandanın da heyətinə saldılar. Kristian mundialın hər üç matçında göründü – D qrupunda Fransa, Avstraliya və Tunislə mübarizə aparan skandinavlar növbəti mərhələyə çıxmadı.

Ardından AÇ-2024-ə də qatılan Kristian tarixi həddə çatdı: Danimarka yığmasında ən çox (133) oyun keçirən futbolçu oldu. Eriksen və komandası həmin turnirdə 1/8 finala çıxsa da, Almaniya önündə “ağ bayraq qaldırdı” (0:2). Hazırda onun hesabında milli formada 150 oyun var.

Kristian ötən mövsümü “Volfsburq”da keçirdi: 34 oyun, 3qol və 10 məhsuldar ötürmə. Ancaq danimarkalının fədakarlığı işə yaramadı, “canavarlar” tarixində ilk dəfə 1-cu bundesliqanı tərk etdi. Yarımmüdafiəçinin bu klubla müqaviləsinin müddəti gələn il iyunun 30-na qədərdi. Eriksen bu hadisədən sonra meydana qayıdacaqmı? Budəfəki mümkün dönüş artıq böyük sual altındadı.