“Rəqibləri təhlil etmək üçün məlumat toplamağa çalışırıq. Bu mərhələ üçün transfer prosesi artıq başa çatıb. Matçlardan sonra lazım olsa, heyətdə müəyyən dəyişikliklər edəcəyik. İndiyə qədər bir yoxlama oyunu keçirmişik. Düzü, futzalçılarımı zədədən qorumaq üçün başqa matç keçirmədik. Əlbəttə, təlim-məşq toplanışına 15-20 gün tez başlasaydıq, daha yaxşı olardı. Yenə də durum pis deyil. Yeni oyunçular kollektivə uyğunlaşıb. Xüsusilə yerli transferlər onsuz da “Araz-Naxçıvan”ı tanıyır. Bu yöndə problem yoxdu. Legionerlər də yüksək səviyyəlidi. İnanırıq ki, qrup qalibi kimi növbəti mərhələyə adlayacağıq”.