Vyetnam müharibəsinin veteranları və fəalları iyunun 14-də Ağ Evin cənub çəmənliyində keçirilməsi planlaşdırılan “UFC Freedom 250”nin ləğvi tələbi ilə məhkəməyə üz tutub.

"Football-plus.az" xəbər verir ki, iddiaçılar - Virciniya veteranı Pol Romano və fəal Syuzan Duqlas - tədbiri dərin korrupsiya adlandırırlar, çünki Prezident Donald Tramp UFC və onun baş direktoru Dana Uayta “özəl, kommersiya idman tədbirinə evsahibliyi etmək üçün Ağ Evə və Linkoln Memorialına maneəsiz giriş icazəsi” verib.

Onlar iddia edirlər ki, UFC federal ərazidə keçirilən tədbirdən əhəmiyyətli gəlir əldə edəcək ki, bu da qanunsuzdu.

“Prezident Amerikanın ən hörmətli iki abidəsini özəl bir korporasiyaya təhvil verib ki, o və müttəfiqləri mənfəət əldə edə bilsinlər. Bu korrupsiyadı. Bu abidələr bütün amerikalılara məxsusdu - Dana Uayta, Crypto.com kimi reklamçılara və Donald Trampa yox. Biz məhkəmədən qanunun tətbiqini xahiş edirik, çünki administrasiya bunu etməkdən boyun qaçırır”, - bu ifadələr Duqlasın bəyanatında yer alıb.