Ölkəmizi Konfrans Liqasında təmsil edəcək “Zirə”nin ev oyunlarını harda keçirəcəyi dəqiqləşib.

Bu barədə “Football-plus.az”a “qartallar”ın mətbuat xidmətinin rəhbəri Elmar Abdullazadə məlumat verib. Klub rəsmisi bildirib ki, komanda Sumqayıtda yerləşən “SOCAR Polymer Arena”da meydana çıxacaq. Klub Zirə İdman Olimpiya Kompleksinin stadionu UEFA-nın tələblərinə cavab vermədiyindən bu cür addım atıb.

Maraq üçün bildirək ki, bu idman qurğusu 1400 tamaşaçı tutumuna malikdi. Stadionun ot örtüyü təbiidi.

Xatırladaq ki, sözügedən kollektiv Konfrans Liqasının 1-ci təsnifat mərhələsində Gürcüstan “Torpedo”suyla üz-üzə gələcək. Komanda bu rəqiblə iyulun 9-da evdə, 16-da səfərdə qarşılaşacaq.

KƏNAN BAHADIR