“Ludoqorets”in baş məşqçisi və qapıçısı “Qarabağ”dan ehtiyatlanır - özləri belə dedi
“Ludoqorets” Çempionar Liqasının 2-ci təsnifat mərhələsində “Dinamo-Minsk”i mübarizədən kənarlaşdırdı. Bu isə o deməkdi ki, Bolqarıstan çempionu növbəti mərhələdə “Qarabağ”la qarşılaşacaq.
“Football-plus.az” xəbər verir ki, komandanın baş məşqçisi Georgi Dermenciyev və qapıçısı Hendrik Bonman “Qarabağ”la oyunlar haqda danışıb.
Georgi Dermenciyev:
“İndiyə qədər oyunçularda gərginlik var idi. Fərdi səhvləri bununla əlaqələndirirəm. Növbəti mərhələdə daha rahat olmalıdılar. Futbola inamlı yanaşmalıyıq. “Qarabağ” kimi komandaya qarşı eyni səhvləri təkrarlaya bilmərik. Həm səfərdə, həm də evdə fərqli olmalıyıq ki, rəqibimizə qalib gələk. Yoxsa bizim üçün çox çətin olacaq”.
Hendrik Bonmann:
“Qarabağ”a mütləq ciddi yanaşmalıyıq. Bunu anlamaq üçün komandanın “Bayer-04”lə oyunlarını izləmək kifayətdi. Yenə də belə güclü rəqibə qarşı şansımızın olduğunu düşünürəm. Səfərdən yaxşı nəticəylə qayıda bilsək, ev oyununda arzumuza çata bilərik. Azarkeşlərimizi məyus etmək istəmirik”.
KƏNAN BAHADIR
Digər xəbərlər
