2004-06-cı illər aralığında çəkilən, ölkəmizdə də çox populyar olan “Aliyə” serialı müəmmalı sonluqla bitir.

"Football-plus.az" xəbər verir ki, serialın əsas qəhrəmanı Aliyə həyat yoldaşı Sinanla sevgilisi Dənizin arasında ilişib-qalır.

Sinan son bölümlərdə evliliyi qurtarmaq üçün əlindən gələni edir, Aliyə bunu qiymətləndirməyə çalışsa da, yenə də ürəyində yara var. Filmin sonunda Aliyə hər iki uşağını götürərək gəmiyə minib çox uzaqlara gedir. Açıq dənizdə yola çıxdığına görə çoxları belə hesab edir ki, ssenari müəllifləri Aliyənin Dənizi seçdiyinə işarə edir.

İndi günlərdi adı “Neftçi” ilə yanaşı hallanan Sərgən Yalçın da çox maraqlı addım atıb. Bilmək olmur ki, evinin önündəki, yoxsa da hansısa otelin daxilindəki hovuza baş vurur. Hovuza belə həvəslə baş vurmaq “yeni macəraya başlayıram” deməkdi, su, yəni dəniz də Bakının rəmzlərindən biridi deyə, bəlkə adam yaxın günlərdə “Neftçi”ni seçəcəyini çatdırmaq istəyir? Hər nə isə, düşüncələrin içində əsir-yesir olmuşam.

Xeyirlisi!

ORXAN