Bu gün Konfrans Liqasında 2-ci təsnifat mərhələsinin püşkü atılıb.

"Football-plus.az" xəbər verir ki, püşk zamanı Çempionlar Liqasında yarışacaq "Sabah" - TNS (Uels) cütünün məğlubu ilə Avropa Liqasında mübarizə aparacaq "Qarabağ" (Azərbaycan) - "Vestri" (İslandiya) cütünün məğlubunun da rəqibləri müəyyənləşib.

"Sabah" TNS-ə uduzarsa, KL-də 2-ci mərhələdə “Flora” (Estoniya) – “İberiya" (Gürcüstan) cütünün məğlubu ilə qarşılaşacaq. "Qarabağ" isə "Vestri" səddini keçə bilməyəcəyi halda KL-də 2-ci mərhələdə "Qlentoran" (Şimali İrlandiya) – RFS (Latviya) cütünün qalibi ilə üz-üzə gələcək.

Xatırladaq ki, ÇL-ə birinci mərhələdən başlayan cütlərin məğlubu mübarizəni Avropa Liqasında deyil, KL-də davam etdirir. Yalnız ÇL-də 2-ci mərhələnin məğlubu uduzacağı halda Avropa Liqasının 3-cü mərhələsinə düşür.