“Kəpəz”də sədr və baş məşqçi təyinatı niyə yubanır? – klub rəsmisi səbəbi dedi
Srağagün bu həftənin ilk iki-üç günü ərzində “Kəpəz”də yeni təyinatların olacağını yazmışdıq. Belə ki, yeni rəhbər Anar Abdullayevlə baş məşqçisi Arif Əsədov ictimaiyyətə təqdim olunacaqdı. Ancaq hələ bu yöndə xəbər-ətər yoxdu.
Yubanmanın səbəbini öyrənmək üçün “sarı-göylər”in mətbuat xidmətinin rəhbəri Gəray Qiyasovla əlaqə saxladıq. Klub rəsmisi “Football-plus.az”a açıqlamasında səbəbi belə izah etdi:
“Hazırda sədr təyinatıyla bağlı prosesin sənədləşdirmə işləri görülür. Ədliyyə Nazirliyinə müraciət edilib. İş hələ davam edir. Böyük ehtimalla proses gələn həftə yekunlaşacaq. Təyinat təsdiqlənəcəyi halda ictimaiyyətə məlumat veriləcək”.
KƏNAN BAHADIR
Digər xəbərlər
