Konfrans Liqasında “Neftçi”nin və “Zirə”nin potensial rəqbilərinin sayı azalıb.

"Football-plus.az" xəbər verir ki, yarışa ikinci təsnifat mərhələsindən qoşulacaq “Neftçi”nin potensial rəqibləri “Ludoqorets” (Bolqarıstan), “Rakuv” (Polşa), “Apollon” (Cənubi Kipr) klublarından, həmçinin ilk təsnifat mərhələsində üz-üzə gələcək “Dinamo” (Albaniya) - “Astana” (Qazaxıstan), “Dinamo” (Belarus) - “Sileks” (Şimali Makedoniya) cütlərinin qaliblərindən biri olacaq.

İlk təsnifat mərhələsində Gürcüstanın “Torpedo” klubu ilə qarşılşacaq “Zirə”nin potensial rəqibləri isə AEK (Cənubi Kipr), “ÇFR Kluj” (Rumıniya), “Spartak” (Slovakiya) klublarından biri və ya “Hegelman” (Litva) - “Payde” (Estoniya) cütünün qalibi olacaq.

Potensial rəqiblərin sayının azalmasının səbəbi UEFA-nın püşkatma mərasimindən əvvəl reqlamentə əsasən komandaları alt qruplara ayırmasıdı.

Konfrans Liqasının 2026/27 mövsümünün ikinci təsnifat mərhələsinin matçları iyulun 23-də və 30-da keçiriləcək.